وثقت فتاة تدعى "أسما إبراهيم" طالبة جامعية عبر صفحتها الرسمية فيس بوك واقعة التحرش بها داخل إحدى الميكروباصات التي كانت تستقلها داخل مدينة الزقازيق أثناء عودتها من كليتها.

ونشرت الفتاة فيديو للواقعة وعلقت في منشورها قائلة "راجعة من الكلية زي كل يوم ركبت سيرفيز ولبسي مش مُلفت ومغطيني الحمدلله ركب جمبي واحد قد أبويا ومش هقول عليه راجل لانه مثال للإنسان... من أول الطريق آلاقي حركات مش لطيفة خالص اقول مثلا غصب عنه ولا حاجه شغلت كاميرتي استنيت بس يكون معايا دليل إثبات علشان محدش يقولي بتتبلي عليه من الأشكال اللي زيه، بأكبر قوة فيا وزقيته لبرا وضربته وشتمته إني الاقي راجل نطق كله بيتفرج مع العلم إن السيرفيز كان كله رجالة حرفيا محدش اتحرك من مكانة كان ممكن أخده وأعمل محضر تحرش أحبسه فيها بس فكرت مراته وعياله ذنبهم ايه المهم إني خدت حقي وشكرا للرجالة اللي معملتش أي حاجة أنا بــ ١٠٠ راجل منهم..كان نفسي اصوره بس كان كل اللي يهمني اني أخد حقي بإيدي..و حسبي الله ونعم الوكيل".

فيما انهالت التعليقات المؤيدة لها وتوثيقها للفعل الفاضح الذي قام به شخص غير سوي على حد وصفهم.

لمشاهدة الفيديو هنا