كشفت والدة الصحفى المعتقل "مصطفى الأعصر" جانب من الانتهاكات التي يتعرض لها أهالي المعتقلين أثناء زيارتهم لذويهم المعتقلين.

وكتب عبر حسابها الشخصي على الفيس بوك "النهارده كنت ف زيارة لأعصر وكان التعامل بطريقة مش لطيفة وده مش اول مرة يتم فيها التعامل معايا بالشكل ده".

وتابعت: "النهارده التفتيش ٣ أفراد بيفتشوا زيارة واحدة مش عارفة اركز مع مين بالظبط، ومش لابسين جوانتي وبيمسكوا الخضار بأيدهم عادي مع أن ده عرضه لإصابته بكورونا والمفروض ان الماسكات والجوانتي من اجراءات الوقاية .. وهيا معلقة واحدة بتتحط ف الاكل من ده ل ده ولما قولتلهم مفيش معلقة غيرها كان الرد " خدي اغسليها هناك " غسلتها ورجعت فتشت الأكل، وطبعًا الخضار وقع ف الارض وقولتله ميحطش اللي وقع بردو حطه".

وأضافت: "من حاجات الزيارة كان معايا استيك شعر جيباه يلم بيه شعره قالي لا قولتله تمام فين الظابط المسئول عن الزيارة استأذن منه .. شاورلي علي واحد بيكلمني من ورا شباك وبيقولي ايه ده بقوله استيك بيلم بيه شعره .. ف يقولي لا ده بتاع بنات بقوله لا بتاع ولاد يقولي وهو شعره اد ايه قولتله كيرلي قالي لا ده بتاع بنات قولتله لا بتاع ولاد."

خلصت وطلعت اشتكي فوق للمأمور سألني عن مصطفي اسمه ايه ف قوله مصطفي احمد رجب او مصطفي الاعصر بيقولي مش عارفة اسمه بقوله أكيد عرفاه اسمه مصطفي أحمد رجب ومعروف بمصطفي الاعصر. وحكيتله نظام التفتيش والمرة الأولي اللي التفتيش والتعامل فيها كان مش كويس ف كان رده إن لازم اتفتش قولتله تمام معنديش مشكلة ف التفتيش بس الزيارة تدخل نضيفه وبعدين ده صحفي يقولي اه يعني هو هنا عشان صحفي بس قولتله اه عشان صحفي، وبقوله علي ان الاستيك اترفض دخوله مع اني كنت مدخلاه لما كان ف طره يقولي ف طره في وسائل ترفيه لكن هنا عندي مكان مركزي ممنوع فيه عشان بينتحروا بيه قولتله تمام يقولي ممنوع مش يقولي لا ده بتاع بنات.
وأضاف: وصلنا ف الاخر انه نزل حد معايا للتفتيش ان الزيارة تتفتش كويس بس طبعًا كانت الزيارة اتفتشت واتبهدلت .. واللي نزل معايا بيقولهم فتشوا الزيارة كويس يقولوله ماهيا اتفتشت، وبعد ماعرفوا اني اشتكيت وواحد يقولي انا مالمستش الرز قولتله بس غيرك فتشه اصل انا غسلت المعلقة ليه يعني
والتاني يقولي انتي ماقولتليش غير علي البلاستيك " للي هو الاستيك " وانا ماشيه يقولي بعد كده ابقي هاتي معاكي معلقة".

واستكملت: "المفروض يتم أي اجراء قانوني لاني مش هفضل كل زيارة زيارتي تتبهدل طبعًا هما مش واخدين اي اجراءات وقاية في ظل ظروف كورونا ومش كل زيارة هطلع اشتكي...معاناة أهالي المعتقلين في دخول الزيارة لذوايهم!.