أكد الكاتب والباحث السياسي والباحث في شئون الاقتصاد و العدالة الاجتماعية بالمبادرة المصرية للحقوق الشخصية تامر وجيه أن تعويم الجنيه وارتفاع الأسعار ما هم إلا "سرقة"، محاولًا شرح نظريته بطريقة بسيطة .

وقال "وجيه" في تدوينة عبر حسابه بـ"فيس بوك": "طيب وهو التضخم وارتفاع الأسعار إيه غير إنهم سرقة؟ يعني يبقى معاك مرتبك اللي يوم ما قبضته كان بيجيب مثلا عشرين كيلو لحمة، وبعدين تاني يوم تلاقيه بيجيب عشرة كيلو بس ده اسمه إيه؟ راحوا فين العشرة كيلو التانيين؟ وليه مجهودك اللي كان بيتكافئ بمستوى معيشة معين تاني يوم بقي بيتكافئ بنصه؟ راحوا فين العشرة كيلو لحمة التانيين". 

وأضاف: "الاقتصاديين اللي بيؤيدوا النظام الاقتصادي السائد هيصوروا الأمر على إنها صدفة أو طبيعة الأمور أو حتى سياسات خطأ، لكن الأمر حتما فيه سرقة، لأن أكيد العشرة كيلو مختفوش وحد تاني خدهم... باختصار: السرقة أنواعها كتير، بس السيستم بيسمي أخطر أنواعها بأسامي تانية" حسب رأيه.