أكدت صفحة موظفي مجلس الدولة على موقع التواصل الاجتماعي "فيسبوك" أن المستشار وائل شلبي، الأمين العام السابق لمجلس الدولة، الذي اعلنت سلطات الانقلاب انتحاره بمحبسه أمس الاثنين بعد اتهامه بالرشوة، لم ينتحر ولكنه قُتل.

وجاء في منشور على الصفحة بموقع "فيسبوك" : " المستشار انتحر ولا اتقتل ؟
الاجابة المنطقية .. ومن غير لف ولا دوران .. وطبقا ( للأدلة الجاية ) .. هي انه .. (( اتقتل )) بلا أدنى شك .. أما السؤال المحوري اللي محدش هيبحث له عن اجابة هو ( مين اللي قتله ؟ ) .. فخلينا نشوف ايه هي الادلة دي".

وعدد المنشور الأدلة التي تثبت مقتل شلبي، وأضاف : " الدليل الاول : صورته وهو مشنوق ..
دخلوا عليه وهو متعلق .. قاموا قايلين بسم الله واستغفر الله والصلاة والسلام على رسول الله .. وقاموا عبطوه وشالوه لفوق هيلا بيلا .. وواحد متطوع طلع فك الكوفية من رقبته .. كده عادي !! .. من غير انتظار لجنة المعاينة من الشرطة او النيابة او حتى التصوير الجنائي .. ولا حتى تطلع صورة له ويتظلل فيها الوجه .. زي كل حالات الانتحار".

وتابع : " الدليل الثاني : اداة الشنق ..
اطول ( كوفية ) شائعة طولها واحد متر فقط لا غير .. لو اطبقت من النص بقت طولها نص متر .. لو اتعقد منها عقدة 25 سم .. فبكل بساطة سيادة المستشار مش هيعرف يدخل دماغه فيها .. ده غير ان وزنه الله يرحمه يفك اجدعها عقده .. وعلى فكرة الحالات المسجلة عالميا للشنق في السجن بنفس الطريقة بتكون بواسطة ( ملاية السرير ) لان طولها لا يقل عن 2.2 م .. 

صورة الممثل ( محمد شومان ) في فيلم ( واحد من الناس ) وهو متعلق كانت بملاية السرير .. لكن مؤلف الواقعة هنا قال يحط التاتش بتاعه .. فاعلن الصبح انها بالكرافته .. واما ما جابتش مع حد .. فخاف الناس ساعتها تسف عليه ويقولوا سارقها من الفيلم .. فقال الكوفية بدل ما يقول ملاية السرير".

وأضاف المنشور : " الدليل الثالث : شباك الحجز ..
الشباك اللازم لتنفيذ عملية الشنق ارتفاع جلسته لا تقل عن 2.5 م .. ده عشان ياخد طول الشخص المشنوق + طول الكوفية + طول الكرسي .. وده اللي هيقف عليه ويرفسه بعد ما يدخل راسه في عقدة الكوفية .. المفاجئة بقى ان المستشار كان محبوس في غرفة تابعة للسجن الاداري مش لمصلحة السجون .. 
*
النوعية دي من السجون ارتفاعها عادي ولا يزيد عن 3.2 م .. وشبابيكها في وسط ارتفاع الحائط زي البيوت والمكاتب العادية .. مش فوق خالص زي السجون المعروفة .. ومفيهاش كمان نوعية الحديد اللي بيبقى داخل في وسط الحيطة زي شبابيك السجون الجنائية ..

الدليل الرابع : حظر النشر ..
ليه حظر النشر اللي طلع بعدها بدقايق وموجه مباشرة الى اتحاد الاذاعة والتليفزيون .. الاجابة .. لان أي سؤال صغير من أي مذيع تعبان عيان محدش هيلاقي له اجابه من الضيوف الجهابز .. واي متفرج بايع دماغه مش هيقتنع باي هري هيتقال ساعتها .. فبالتالي الحظر جه عشان يطرمخ على أي شكوك .. وتبقى جريمة القتل مجرد انتحار .. خصوصا وان اخر كلمات المستشار ( انا مقدرش اتكلم .. وانا مش هروح في القضية لوحدي )".

وأوضح المنشور أنه في عام 2011 تقدم ألف قاضي ببلاغات فساد ضد المستشار وائل شلبي، في ظل حكم المجلس العسكري لمصر، ولم ينظر أحد للشكاوي، وتم ترقيته عام 2015، ليصبح أمينًا عامًا للمجلس، وكان من القضايا التي اتهم فيها بالفساد هي تشييد مبنى مجلس الدولة الجديد الذي أسنده لشركة مقاولات بالأمر المباشر بدون أي مناقصات .. وافتتحه شلبي مع قائد الانقلاب عبد الفتاح السيسي.