تصدر هاشتاج #رد_على_محمد_علي_ياسيسي قائمة الأكثر تداولا على موقع التواصل الإجتماعي "تويتر" ، للمطالبة بالإجابة على اتهامات رجل الأعمال محمد علي، الذى أثار عدة قضايا اتهم فيها قيادات بالمؤسسة العسكرية بالفساد وشكك فى الذمة المالية لعبدالفتاح السيسى.

وانطلق اليوم السبت فعاليات المؤتمر الثامن للشباب بشكل مفاجيء  ولمدة يوم واحد، إذ وصف قائد الانقلاب ثورة يناير واتهامه لها بأنها مؤامرة على الجيش والشرطة، وكذالك الإساءة للدين الإسلامي، خلال مؤتمر الشباب.

وقال أحمد البقري:"#السيسي اللي في كل المؤتمرات بيقولنا مفيش ومنين واحنا فقرا أووي.. النهاردة بيقولنا ايوه انا بعمل قصور رئاسية وفلل والجيش ناهب البلد بس انا شريف وأمين"

وتهكم سكرينة: "المؤامرة في 2011 ؟؟ يعني انت مقرر ان يوم 25 يناير من كل سنة أجازة احتفالا بالمؤامرة . #رد_على_محمد_علي_ياسيسي "

وكتب حساب يحمل اسم المصري:"حد يقوله الجيش مش الى بيحمى الدوله الى بيحميها التعليم والصحة الاتحاد السوفيتى انهار وكان عنده اقوى جيش فى عالم وبيصنع افضل الاسلحة وعنده نووى سقطت عشان حطوا الفشلة والفاسدين اللى زيك فى جميع المواقع وسويسرا اللى معندهاش جيش قوية اقتصاديا #رد_علي_محمد_علي_ياسيسي"

واستنكر محمد:"برده ماردش وعمال يحور ما ترد على الكلام اللي بقوله يا بأف مالك ومال ثورة يناير #رد_على_محمد_علي_ياسيسي #مؤتمر_الشباب #اسأل_الرئيس"

وقالت سلمى:"الفيلل و القصور و أسوار المقابر اتكلفت كام، وهل ده وقت مناسب في ظل رفع الدعم عن الغلابة وتعويم الجنية وتحرير سعر البترول، وزيادة أسعار الكهرباء؟ مين مسئول عن القرار؟ هل المشاريع بالإسناد المباشر؟ مين بيراقب على أموال دافعي الضرائب وطرق صرفها؟ #رد_على_محمد_علي_ياسيسي"

وتهكم احمد:"#رد_على_محمد_علي_ياسيسي السيسي: متسمحوش لحد يشوه صورة جيش مصر! انت كده رديت على محمد علي؟ اه خلاص امال انت فاكر ايه"

وقال محمد النجار:"من الواضح أنه مرعوب للدرجة إن كل كلامه هو إنساب كل الفشل والفساد لثورة يناير وإن كل الي البلد وصلت ليه بسبب ثورتكم يا مصريين ، من الواضح إن تقارير الإحتقان وحالة الغضب من الممكن إن تنزعك من عرشك #رد_على_محمد_علي_ياسيسي"

وغرد يوسف:"دايما العسكري عبد الفتاح يذكر ثورة يناير باحداث يناير.... ثورة يناير هي اشرف وانبل حدث في تاريخ مصر غصب عن السيسي وعصابته اللي بتحكم... شوية العساكر اللي ربنا ابتلانا بيهم لا يعترفوا الا بانقلاباتهم وبيسموها ثورات. يسقط حكم عسكر تجار البطيخ والسمك ... #رد_على_محمد_علي_ياسيسي".