قالت فاطمة الخطيب، شقيقة الشاب المعتقل أحمد الخطيب، أنه صدر قرار بعودته للسجن مرة أخرى، بعد أن قضى ما يزيد عن شهر ونصف في مستشفى الحميات بالعباسية، لإصابته بمرض الليشمانيا الحشوية.
 
وكتبت "الخطيب" عبر حسابها الشخصي على موقع التواصل الاجتماعي "فيس بوك" : "النهاردة طلع قرار بنقل أحمد من مستشفي حمايات العباسية للسجن تاني كل المؤشرات بتقول إنهم بيدور إزاي يقتلوا أحمد بالإهمال الطبي".
 
وتابعت : "الخبر بالنسبة لينا كان صدمة متخيلين.. احنا كلمنا ناس هناك عشان يفهموا في ايه قالولنا إن "إبنكم أتعالج خلاص وكان بيتدلع دا كله".. نسأل نقول أحمد ليه حيتنقل يقولوا أتعالج، طب فين التقارير اللي بتثبت علاجه، احنا والله هنفرح لو طلع فعلًا اتعالج ومش عايزين أكتر من كدا فياريت تعرفونا يقولوا ما فيش تقارير طب ليه ما فيش تقارير، طالما اتعالج زي ما بتقولوا مافيش إجابة ولا فيه رد طب الطحال ووزنه والكبد اللي اتدمروا من المرض اتعالجوا اه، طب فين التقارير مافيش طب المرض اتعالج في شهر واحد أو أقل آه، طب فين التقارير مافيش تقارير يبقي عايزين تموتوا أحمد زي كريم ومهند".
 
واستطردت شقيقة أحمد : "طب علميًا أحمد ما ينفعش يرجع السجن تاني خاصة وادي النطرون لأن ده اللي جالوا فيه المرض وسهل يرجع تاني له ده لو إفترضنا إنه أتعالج يعني لأن جسم أحمد المرض كان أتمكن منه خلاص ودمر المناعة والطحال.. الداخلية نزلت بيان تهدي الناس بيه ومنفذتش اللي قالتوا إنها معندهاش مشكلة تنقل أحمد مستشفي خاصة بس العائلة تقدم طلب ورغم إننا مشينا ف كل الطرق وكل الحلول علشان أحمد بس يتعالج وموصلناش لحل ولا نعرف أحمد أتعالج ولا لا ولا نعرف ليه الداخلية رافضه هي والمستشفي تدينا تقارير طالما أتعالج بس كل اللي نعرفه وعن خطوات حصلت وحالات تشبه حالة احمد وماتوا زي كريم مدحت ومهند اللي اتقتلوا بالعمد بالإهمال الطبي.. بمعني مافيش تقارير وحينقلوا أحمد السجن رغم إن خطر ده يحصل يبقي كل المؤشرات بتقول إن حالة مهند وكريم ممكن تتكرر تاني بسبب إهمال الداخلية وإستهتارها بحياة البني آدمين كدا".
 
وتسائلت : "ليه مصممين علي قتله زي مهند وكريم .. ودي صورة أحمد ف المستشفى متخيلين حيرجع السجن وهو بالشكل ده حيرجع ينام ع الأرض ووسط المساجين و مناعته مدمره وصحته بالشكل ده طب إحنا عايزين أحمد يعيش يعيش بس مش عايزين نتحسر عليه زي اللي راحوا وماتوا بالإهمال الطبي تضامنوا مع حق أحمد الدستوري بلاش الإنساني طالما حقوق الإنسان هنا بتزعلهم".

وكان أحمد الخطيب الطالب بجامعة مصر للعلوم والتكنولوجيا أصيب بمرض الليشمانيا الحشوية داخل سجن وادي النطرون، وتعسفت سلطات الانقلاب ومنعت عنه العلاج حتى تدورهت حالته الصحة، وتم نقله لمستشفى حميات العباسية 22 مارس الجاري.