أعاد الفنان عبدالله الشريف نشر فيديو بمناسبة عيد الأم، وجه فيه رسالة صوتية لمصر تحت حكم الانقلاب العسكري، تحت عنوان "الله يسامحك".

وقال الشريف في رسالته: لو كان عيد الأم بدعة فالسنة دي أكيد حرام.. أم صاحبي نارها والعة والليلة دي ما راح تنام، دافنة راسها في المخدة والدموع خانقة الكلام.. مغمضة وودانها سدة نفسها تشوفه في منام".

وأضاف الشريف: "عيد أم إيه اللي انت عاوزة تحتفلي بيه؟، قولها عيالك ماتت في شوارعك، قولها عيالك مدفونين بالحيا في معتقلاتك، عيالك تايهين في حواريكي.. مسحولين عشان لقمة العيش.. فكرها إن خيرها مش ليهم عرفها إن عواجيز الخرابة اللي بتحميهم ومغرقاهم في خيرها مش دايمين ليها.. قولها إحنا المستقبل إحنا بكره ومسيرك حتبقى لينا".

وتابع الشريف "قولها واحد من عيالك بيقولك صاحبي بيسلم عليكي وبيقولك كتر ألف خيرك، وعلى فكرة أم صاحبي كمان بتسلم عليكي وبتقولك شكرا يا أم الدنيا، قولها إن الصورة دي (صورة شهيد في حضن أمه) مش حتطلع من خيالي ليوم الدين، وبيشوفها وهو صاحي وهو نايم وبيفكر بيها الناس".

واستطرد الشريف "طعم المر اللي في الدنيا كله معشش في الصور دي، وفي الآخر تقولي عيد الأم.. عيد أم إيه بس روحي يا شيخة الله يسامحك".