جددت حملة "باطل" دعوتها المصريين للنزول إلى الميادين يوم الجمعة القادمة للمطالبة برحيل قائد الانقلاب عبدالفتاح السيسي.

وقالت الحملة في بيان لها على صفحتها على "فيس بوك" تحت عنوان: ليه ننزل يوم الجمعة؟

مبقاش فيه أي شك إن السيسي فشل في حكم #مصر ، فساده أصبح مفضوحا لدرجة تسيء لمصر والمصريين.

قالنا إحنا فقرا قوي، وهو بيبني قصور، وبيهدر ملايين من فلوس المصريين كان ممكن تخلي حياتهم أفضل.

كان ممكن بدل ما يبني لزوجته قصر جديد يبني مستشفى أو مدرسة أو صرف صحي للمحتاجين. كان ممكن آلاف المصريين لا يتم حرمانهم من التموين.
السيسي مينفعش يحكم لأنه أهان #الجيش، واستخدمه كوسيلة لحمايته من المصريين اللي ظلمهم وسرقهم.
السيسي خاين لأنه باع أرض مصر… وفشل في حماية نيلها اللي بيشرب ويزرع منه كل المصريين.
حكم مصر أكبر بكتير من السيسي الفاشل، ومصر أصبحت تحت حكمه أصغر من مكانتها، أصغر من تاريخها، وأصغر من أحلام شعبها.

السيسي غرق مصر في ديون بالمليارات بتزيد كل يوم محتاجة عشرات السنين عشان نسددها.

السيسي مينفعش يحكم لأن تابع وضيع لترامب اللي بيوصفه بـ“القاتل الحقير” و “الديكتاتور المفضل له”. هل فيه إهانة لمصر أكتر من كده؟ هل ده شخص ينفع يكون بيحمي مصر وشعبها.
السيسيي خائن ... السيسيي فاسد ... السيسي فاشل
علشان كده لازم يرحل.
#ارحل
#يرحل_بس".